14. სექტემბერი 2022 დასრულებული პროექტები

უწყვეტი და ხარისხიანი პირველადი ჯანდაცვის მომსახურება ყველა ბავშვისთვის საქართველოში

პროექტის მიზანი: დედათა და ბავშვთა ჯანმრთელობის ხარისხიან (MCH) მომსახურებაზე ხელმისაწვდომობა სოფლად პირველადი ჯანდაცვის (PHC) დონეზე ტელემედიცინის დანერგვისა და ხარისხის უზრუნველყოფისა და გაუმჯობესების ცენტრის დაარსების გზით. 

8. სექტემბერი 2022 სიახლეები

SlovakAid-ის მხარდაჭერით, ჩამდინარე წყლების მდგრადი მართვის მიზნით ახალ ინიციატივას ვიწყებთ

ჩეხეთის რესპუბლიკის კარიტასი საქრთველოში ნარჩენების მდგრადი მართვის პრაქტიკის დანერგვაზე მუშაობს სპეციალისტების კვალიფიკაციის ამაღლებისა და ნარჩენების მართვისათვის საჭირო ინფრასქტუქტურის უზრუნველყოფის გზით, მათ შორის, პარტნიორებს სამიზნე მუნიციპალიტეტებიდან უწევს საკონსულტაციო სერვისებს და ტექნიკური დახმარებას. გარემოს დაცვის მიმართულებით ღირებული გამოცდილების დაგროვების შემდეგ, 2022 წლის სექტემბრიდან ვიწყებთ ახალ პროექტს ჩამდინარე წყლების მდგრადი მართვის მხარდასაჭერად ონის მუნიციპალიტეტში. ინიციატივა ფინანსურად მხარდაჭერილია SlovakAid-ის მიერ, ხოლო პროექტის ფარგლებში აქტიურად ვითანამშრომლებთ სლოვაკურ ორგანიზაცია Sosna-სთან.

3. აგვისტო 2022 სიახლეები

UNICEF-თან ერთად ვიწყებთ პირველად ჯანდაცვაში დისტანციური სერვისების დანერგვას

დედათა და ბავშვთა ჯანმრთელობის მხარდაჭერა პირველად ჯანდაცვაში ჩეხეთის რესპუბლიკის კარიტასის სამუშაოს ერთ-ერთ პრიორიტეტულ მიმართულებად იქცა, განსაკუთრებით კოვიდპანდემიის დროს. UNICEF-თან ერთად განხორციელებული ორი წარმატებული პროექტის შემდეგ, 2022 წლის ივლისში დავიწყეთ ახალი ინიციატივა, რომელიც მიზნად ისახავს დისტანციური სერვისების განვითარებისა და „პირველადი ჯანდაცვის ხარისხის უზრუნველყოფისა და გაუმჯობესების ცენტრის“ ჩამოყალიბებას დედათა და ბავშვთა ჯანმრთელობის სერვისების ხარისხის უზრუნველსაყოფად. პროექტი მოიცავს 50 ამბულატორიას მთელი ქვეყნის მასშტაბით.

27. ივლისი 2022 სიახლეები

CzechAid-ის მხარდაჭერით, აუტიზმის სპექტრის მქონე ნოეს მდგომარეობა მნიშვნელოვნად გაუმჯობესდა

ნოე ქარცივაძეს აუტიზმის სპექტრის დარღვევა წლინახევრის ასაკში დაუდგინეს. ბავშვის რამდენიმე საბავშვო ბაღში მიყვანის შემდეგ, მშობლებს იმედი აღარ ჰქონდათ, რომ ნოესთვის შესაბამის განმავითარებელ გარემოს იპოვიდნენ. თუმცა, მალევე შეიტყვეს, რომ ჩეხეთის განვითარების სააგენტოს მხარდაჭერით, ზუგდიდის ერთ-ერთ საბავშვო ბაღში აუტიზმის სპექტრის მქონე ბავშვებისთვის სპეციალური ჯგუფი გაეხსნათ და მაშინვე დაუკავშირდნენ მათ. ნოე უკვე რვა თვეა ხსენებულ ჯგუფში დადის და ჩეხეთის რესპუბლიკის კარიტასის მიერ გადამზადებული სპეციალური მასწავლებლების ძალისხმევის შედეგად, მისი მდგომარეობა მნიშვნელოვნად გაუმჯობესდა.

19. ივლისი 2022 სიახლეები

მესხრიკაძეს ეამაყება CCR-ის გუნდის მიერ ქვეყნის განვითარებაში შეტანილი წვლილი

ჩეხეთის რესპუბლიკის კარიტასის მისიის ხელმძღვანელის მოადგილე ეკატერინე მესხრიკაძე ჩვენს ორგანიზაციაში 2015 წლიდან მუშაობს. ამ წლების განმავლობაში, ეკატერინე ძირითადად სოფლის განვითარებისა და გარემოს დაცვის მიმართულებით მუშაობდა და ხელმძღვანელობდა ისეთ მასშტაბურ პროექტებს, როგორებიცაა ევროკავშირის მიერ დაფინანსებული ENPARD ხულოს პროექტი, UNDP-ის მიერ დაფინანსებული ინიციატივა ფშავ-ხევსურეთის დაცული ტერიტორიებისთვის ნარჩენების მდგრადი მართვის სისტემის ჩამოსაყალიბებლად და გარემოს დაცვითი ინიციატივები რაჩა-ლეჩხუმსა და ქვემო სვანეთში.

• …
• 11
• 12
• 13
• …

მიმდინარე პროექტები

სიახლეები

წარმატების ისტორიები

ფოტოგალერეა