11. ივნისი 2024 სიახლეები

საქართველოში სპეციალური საჭიროების მქონე ათასობით ბავშვი უკვე შეძლებს საბავშვო ბაღში ხარისხიანი ადრეული ინკლუზიური სერვისებით სარგებლობას

ბოლო ათწლეულების განმავლობაში საქართველოში სკოლამდელი განათლების მიმართულებით მრავალი რეფორმა ჩატარდა, მათ შორის შემუშავდა და დაინერგა ადრეული და სკოლამდელი განათლებისა და აღზრდის სტანდარტები, ასევე, მიმდინარეობს ახლადშემუშავებული ადრეული განათლების კურიკულუმის დანერგვა და საბავშვო ბარების ავტორიზაციის პროცესი. მიუხედავად ზემოთქმულისა, სკოლამდელ დაწესებულებებში ჯერ კიდევ მრავალი გამოწვევა რჩება, რაც ხელს უშლის ხარისხიანი განათლების უზრუნველყოფას ყველა ბავშვისთვის, მათ შორის სპეციალური საჭიროების მქონე აღსაზრდელებისთვის.

11. ივნისი 2024 სიახლეები

ევროკავშირის მხარდაჭერით, სმენის შეზღუდვის მქონე თამარი საქართველოდან ეხმარება სხვა შეზღუდული შესაძლებლობის მქონე ახალგაზრდებს დასაქმებაში

საქართველოში იმ ახალგაზრდების რაოდენობა, რომლებიც არ არიან დასაქმებულები, ვერ იღებენ განათლებას და არ არიან ჩართულები ამა თუ იმ ტრენინგსა თუ სასწავლო პროგრამაში, საკმაოდ მაღალია. ასევე მაღალია იმ შეზღუდული შესაძლებლობის მქონე და იძულებით გადაადგილებული პირების, ასევე სოციალურად დაუცველი ახალგაზრდების რაოდენობა, რომლებიც არ არიან დასაქმებულები ან/და საგანმანათლებლო პროცესში ჩართულები. აღნიშნული შედეგად გვაძლევს დიდი რაოდენობით მოწყვლად ახალგაზრდას, რომლებმაც არც კი იციან რა ნაბიჯები უნდა გადადგან დასაქმების ბაზარზე მოსახვედრად. 

2. აპრილი 2024 სიახლეები

დენვერის ადრეული ჩარევის თერაპევტი: ვცდილობთ ბავშვისთვის გავხდეთ სანდო საკომუნიკაციო პარტნიორი

2015-2021 წლებში ჩეხეთის რესპუბლიკის კარიტასმა იმუშავა პროექტზე, რომელიც მიზნად ისახავდა აუტიზმის სპექტრის მქონე პირებისათვის ხარისხიანი და ხელმისაწვდომი სერვისების მიწოდებას. შედეგად, საქართველოში აუტიზმის სპექტრის მქონე ბავშვებისა და მათი ოჯახების მდგომარეობა მნიშვნელოვნად გაუმჯობესდა. ამასთან ქვეყანაში დაინერგა აუტიზმის ჩარევის ორი ალტერნატიული მიდგომა – DENVER და SCERTS. 

2. აპრილი 2024 სიახლეები

აუტიზმის სპეციალისტი: "უთვალავია ფერი და უთვალავია ბავშვების შესაძლებლობებიც"

2 აპრილი აუტიზმის ცნობადობის მსოფლიო დღეა, რომელსაც ჩეხეთის რესპუბლიკის კარიტასი ყოველწლიურად უერთდება. წელს აუტიზმის ცნობადობის მსოფლიო დღე აღინიშნება თემით „ფერები“, რომელზეც ქუთაისში პირველი აუტიზმის ცენტრის დამფუძნებელ ლიკა მხატვართან ერთად ვსაუბრობთ. "ხიდი სოციალური ინკლუზიისთვის" იყო ერთ-ერთი აუტიზმის ცენტრი, რომელსაც ჩეხეთის რესპუბლიკის კარიტასმა ჩეხეთის მთავრობის მიერ დაფინანსებული პროექტის ფარგლებში დაუჭირა მხარი.

11. მარტი 2024 სიახლეები

ჩეხეთის რესპუბლიკის კარიტასი აგრძელებს ვეტერინარული სერვისების მხარდაჭერას საქართველოში

ჩეხეთის რესპუბლიკის კარიტასი აგრძელებს ვეტერინარული სერვისების მხარდაჭერას საქართველოში. გასულ კვირას ჩვენმა ორგანიზაციამ სურსათის ეროვნულ სააგენტოს მაღალი სიმძლავრის გენერატორი და თერმოჩანთები გადასცა. აღნიშნული გენერატორი დამონტაჟდება სურსათის ეროვნული სააგენტოს თბილისის ცენტრალურ ოფისში და უზრუნველყოფს ვაქცინების და სხვა მალფუჭებადი ნივთიერებების შენახვას ელექტროენერგიის გათიშვის შემთხვევაში. თერმოჩანთებს კი გამოიყენებენ სააგენტოს ვეტერინარული ბრიგადები, რომლებიც ვაქცინაციისა და სხვა ვეტერინარულ მომსახურებაში არიან ჩართული. 

• …
• 3
• 4
• 5
• …

მიმდინარე პროექტები

სიახლეები

წარმატების ისტორიები

ფოტოგალერეა