19. დეკემბერი 2023 სიახლეები

სახელმწიფო მზრუნველობაში მყოფი ზრდასრული შშმ პირები საოჯახო ტიპის სახლებში იცხოვრებენ

2024 წელს საქართველოს სოციალური დაცვის სექტორი მნიშვნელოვანი სიახლით ხვდება – ჩეხეთის მთავრობის დახმარებით განხორციელებული პროექტის ფარგლებში, დუშეთსა და მარტყოფში არსებულ პანსიონატებში მცხოვრები შეზღუდული შესაძლებლობის მქონე პირები ახალ, საოჯახო ტიპის სახლებში გადადიან საცხოვრებლად. ეს მხარდაჭერა ჩეხეთის განვითარების სააგენტოს ფართომასშტაბიანი დახმარების ნაწილია, რომელიც მიზნად ისახავს სახელმწიფო მზრუნველობაში მყოფი ბენეფიციარების დამოუკიდებელი ცხოვრების დაწყების ხელშეყობასა და შესაბამის საკანონმდებლო ინიციატივებზე მუშაობით, საქართველოს მთავრობის მხარდაჭერას დეინსტიტუციონალიზაციის პროცესში.

20. სექტემბერი 2023 სიახლეები

მხატვრის სახლი – სივრცე საინტერესო ისტორიითა და უამრავი გეგმით

თემურ გუგეშაშვილმა მშობლიურ რაჭაში ცხოვრების ახალი ეტაპი 2008 წელს ოჯახთან ერთად დაიწყო. ამჟამად ქალაქ ონში ერთ-ერთ ყველაზე პოპულარულ საოჯახო სასტუმროს ფლობს და ხელმძღვანელობს ხის სახელოსნოს, რომელშიც ის და მისი მეუღლე ონის მუნიციპალიტეტის სოფლებში მცხოვრებ ბავშვებს კვირაში რამდენჯერმე მასპინძლობენ. თემურს წინ დიდი გეგმები აქვს – ამჟამად ქალაქის ცენტრში ახალ სასტუმროს აშენებს, რომელშიც სასტუმრო სივრცის გარდა განლაგებული იქნება ხის სახელოსნო, საკონფერენციო დარბაზი და რესტორანი.

18. სექტემბერი 2023 სიახლეები

თბილისიდან რაჭაში საცხოვრებლად გადასული წყვილი, რომელიც ნატურალურ ღვინოს აწარმოებს

ლევანი და ეკა იმ იშვიათი ადამიანების გამონაკლისს წარმოადგენენ, რომელთაც ქალაქში ცხოვრებას სოფლად ცხოვრება ურჩევნიათ. წყვილმა თბილისი ხუთი წლის წინ ახალდაბადებულ იონასთან ერთად დატოვა და რაჭაში, სოფელ სორში ლევანის მამა-პაპისეულ სახლში დაფუძნდა. აქვე შეეძინათ პატარა ისაიაც. თავდაპირველი სირთულეების გადალახვის შემდეგ, წყვილმა პირველი ვაზის ძირები დარგო და საფუძველი ჩაუყარა მეღვინეობას "ორი გვარი". ეკას და ლევანს უამრავი გეგმა აქვთ დასახული, რომელთა უმეტესობაც რაჭაში ცხოვრებას უკავშირდება.

29. ივნისი 2023 სიახლეები

ახალი სამედიცინო აღჭურვილობით ჟვანიას კლინიკა შეძლებს ბავშვთა ხანგრძლივი მოვლის სერვისის უზრუნველყოფას

ჩეხეთის განვითარების სააგენტოს ფინანსური მხარდაჭერით, ჩეხეთის რესპულიკის კარიტასი წლებია მუშაობს ბავშვთა ხანგრძილივი ზრუნვის სერვისის ჩამოყალიბებაზე სახელმწიფო მზრუნველობაში მყოფი მძიმე და ღრმა შეზღუდული შესაძლებლობის მქონე ბავშვებისთვის. 2017 წლიდან გაწეული მხარდაჭერა მოიცავდა ჟვანიას სახელობის ბავშვთა კლინიკის სამედიცინო აღჭურვილობით უზრუნველყოფას, ხანგრძლივი მოვლის სერვისის ხარისხის უზრუნველყოფის სტანდარტის შემუშავებასა და დამტკიცებას და სამედიცინო პერსონალის კვალიფიკაციის ამაღლებაზე ზრუნვას. დღეს გადაცემული 150 000 აშშ დოლარის დონაციით ბავშვთა კლინიკას უკვე შეუძლია სრული დატვირთვით ფუნქციონირება და სახელმწიფო მზრუნველობაში მყოფი ბავშვებისთვის საჭირო სერვისის უზრუნველყოფა.

26. ივნისი 2023 სიახლეები

CzDA-ს მიერ დაფინანსებული ახალი ინიციატივით, გაუმჯობესდება ადრეულ ბავშვებზე ზრუნვის სერვისები და ინკლუზიური განათლება

ჩეხეთის რესპუბლიკის კარიტასი მრავალი წელია მხარს უჭერს საქართველოს მთავრობას ჯანდაცვისა და სოციალური სერვისების განვითარებაში. ჩვენი ძალისხმევით ათასობით ბავშვისა და მათი ოჯახების ცხოვრება მნიშვნელოვნად გაუმჯობესდა. ჩეხეთის განვითარების სააგენტოს მხარდაჭერით ამჟამად ვიწყებთ ახალ პროექტს, რომელიც მიზნად ისახავს საქართველოში სპეციალური საჭიროების მქონე ბავშვებისთვის ადრეული ზრუნვის სერვისებისა და ინკლუზიური განათლების გაუმჯობესებას.

• 1
• 2
• 3
• …

მიმდინარე პროექტები

სიახლეები

წარმატების ისტორიები

ფოტოგალერეა