16. ივნისი 2025 მიმდინარე პროექტები

მენტალური ჯანმრთელობის სერვისების გაუმჯობესება საქართველოს პირველად ჯანდაცვაში

პროექტის მიზანი: მენტალური ჯანმრთელობის მომსახურების ინტეგრაცია პირველად ჯანდაცვაში — ინიციატივა პასუხობს მომსახურების მნიშვნელოვან დეფიციტს და სრულად შეესაბამება 2023 წლის პირველადი ჯანდაცვის რეფორმირის მიზნებს, რომელიც აქცენტს აკეთებს ხელმისაწვდომ, საზოგადოებაზე ორიენტირებულ მენტალური ჯანმრთელობის სერვისებზე.

• აღწერა: პროექტის მიზანია მენტალური ჯანმრთელობის სერვისების მიწოდების ხარისხის გაუმჯობესება საქართველოს პირველადი ჯანდაცვის (PHC) სისტემაში, საერთაშორისო პრიორიტეტებზე დაფუძნებული ცოდნისა და უნარების მეშვეობით. პროექტის ფარგლებში ჩატარდება ტრენერთა ტრენინგი (ToT), რომელშიც მონაწილეობას მიიღებს პირველადი ჯანდაცვის 22 პროფესიონალი მთელი საქართველოდან. განსაკუთრებული ყურადღება ეთმობა დემენციის მართვას: ქალაქებსა და სოფლებში 1,600-ზე მეტი ოჯახის ექიმი გაივლის სპეციალურ ტრენინგს დემენციის ადრეული გამოვლენისა და უწყვეტი მოვლის უზრუნველყოფის მიზნით. პროექტი მოიცავს ToT სასწავლო კურიკულუმის შემუშავებას, სტანდარტიზებული მოვლის გზამკვლევების დანერგვას და დემენციაზე ორიენტირებული, WHO-ის აკრედიტებული უწყვეტი პროფესიული განათლების (CPD) კურსის დაწყებას. ხარისხისა და მდგრადობის უზრუნველსაყოფად განხორციელდება მხარდაჭერითი სუპერვიზია და კლინიკური აუდიტები. ამ კომპონენტების ერთობლიობით, პროექტი გააძლიერებს ჯანდაცვის სისტემის შესაძლებლობას, უზრუნველყოს ხელმისაწვდომი და ხარისხიანი ფსიქიკური ჯანმრთელობის მომსახურება, შეამციროს ფსიქიატრიულ დაწესებულებებზე დამოკიდებულება და გააუმჯობესოს სერვისების მიწოდება მოწყვლადი მოსახლეობისთვის.
• დონორი: ჯანმრთელობის მსოფლიო ორგანიზაცია (WHO)
• ხანგრძლივობა: 2025 წლის აპრილი – აგვისტო (ძირითადი იმპლემენტაცია), სუპერვიზიისა და შეფასების გაგრძელებით 2026 წლამდე
• ბიუჯეტი: 15,446 აშშ დოლარი